جوعان حــــــــــب ولعــــــــب

جوعان حــــــــــب ولعــــــــب

بهيدة ياخيط الترافة...؟

ثوب شمعك ماتذبه الدنية ليل..؟

خل اشوفن..؟

هندسك بعيوني حايل

وانة بين ارفوفي راگد؟

من زمن مابيه حيل....

سكته گاضيه الحياة

يامحلات البلابل يادكاكين المحبة!

هوة يسوة الشوگ گلي ابلا غرام

يادفو العشاگ صيفج...

نايم وحاضن شتاج

وصوت المسامر سوالف

همسه بحلوگ الشوارع

صوت فختاية يغازل

اي سرب من الحمالم...

صوت ينده للرحيل؟

صوت ينده ماترد..؟

صوت نسمة ادور بخدود الورد

وتعتنيه بشوگ فحطانة

الفراشه امن البعد...

ولوتمرنه...

انفزز الياس اعله كيفه؟

وننده الگمرة التغطت بالبرد

هاي لو رايد تمرنه..؟

والفوانيس بضواهه

اتصيح ماجينه اعله جيتك

واعله طوله انحني بالشيرة العگد

واعله كيفك روح ومشي تريد

ماترجع ترد...؟

فدوة اروحن..؟

انه بجدامي اجيلك

لاتتاني...؟

وخل تلوم البيه تعذل..

خل تگول اتاخر من الشوگ ولفه

وماوصل ساعي بريدة

انموت سكته...

ليش سكته؟

خل نموت بونة الملتام جرحه

وتارس احضانه اليريدة

يخلط الچلمة بحنينه

وبذنة يهمسله قصيدة

تغني للدنيا السلام..

خل نعيش العمر ضحكة

وعين سكرانه بكحلهه ماتنام

شلون انام...؟

الليله ابات ابلاية راي

للطفولة اذكر شجانت سوالف

الليلة ردت بية خطواتي الوراي

ذكرتني سنين راحت مدري وين

خلصت چذب بچذب..؟

اب***ي احنن للطفولة؟؟

وانه احس جوعان ماشابع لعب

وانه بالعشرين عمري

مدري العب مدري احب؟

تايه امن سنين عوزي لوتريد انته

الصدگ...؟

وياصدگ..؟

شفافي بشفاف الاريدة

وروحي خضرة وتنعصر لمن

يمر بيهه العشگ..

عمري شمعه ويطفي حسرة

وعلگ امن اضلوعي شمعه

وتحتـــــــــــــــــــــــــــرگ

ايــــــاد لصــــلوص الاســــــدي