54 قصيدة مهداة الى الاخت يمامة

عندما راودني طيفك...اكثرمن ليلة؟؟؟ايقضتني القصيدة؟؟؟

(سوالف عشگ)

ليليه طيفك يمر

بصوغة سوالف عشگ

وبوتار لحن العتب

برموش عيني يدگ

ياولفي بسك عتب

ادخيل بخت اليحب

لاگلبي بيدك يطگ

وموجيه هذا الحلم

بلكن تمرنه بصدگ

ادري اليعاشر الم

ابروحه شايل جرح

ويطيب رغم البعد

لوجية منهم تصح

بيدي زرعت الورد

بس بيه ماحسبت

بيديني هم ينذبح

مديون اليه بعمر

بدرب المتانه خلص

انطيني رد ضحكتي

چف اليحب مو سمح

ابليلي لمن تهل

ماتتنه تهوة الهجر

عصفورة طرهه الفجر

وتغرد اجمل صبح

ها تجي ...ها ...ماتجي

وي روحي اسولف گمت
مجنون خاف انفضح

وموجيه هذا الحلم

بلكن تمرنة بصدگ

شباچي شايل خلگ

للراح والي يجي

ولوصح مامش ونس

مايفرغ امن الهوة

بالليل الم وحشتي

وضلمة تصح غرفتي

وبيتي اعله درب الگمر

مامرة مني اعتذر

كلما يمر ياخلگ

ينطيني حفنة ضوة

ودري اليحب علته

محبوبه الهه الدوة

مربية رد مهجتي

كلفة ترى علتي

ويه الميت مامش فرق

صدگني صرنة سوة

ونجان دربك كلف

مر بية بسوالفك

ومقبول عذرك شني

شايل گلب من حجر

ومايعذر الوالفك

بوسني شمني بحلم

لو رسمي بي صادفك

وماريد افز من حلم

وشفافي بشفايفك

ابصدري اضمك شمع

وبناري بيك اعتلگ

وموجيه هذا الحلم

بلكن تمرنه بصدگ

بلكــــــــــــــن تمرنة بصدگ

ايـــــــــاد لصلوص الاســــــــــدي