بس ابزسك للشاعر اياد

بـــوسة منـــك
نثلي بشفافك غرام..؟
شفافي ولهانه اعلة شفتك
ومدلي شعرك...
ابليل شعرك..خل انام
وبس ارشفك؟
بين ماتحله السوالف
تدنه وحدهه الشفايف
بوسه منك...بوسة مني
موحرام...!
ياوفر غافي اعله طولك فدوة لله
امنين مالزمك تموع
خلي جفي يمسح اذنوبه اعله خصرك وشيصير
جيدك الثلجي شحلاته
اني بردان بحلاتك..؟
ابشالك الخادر ترافه
لفني غطيني بجمالك
هذا ليل...؟
وادري رمانك يعتني
وادري حضنك موبخيل
هذا ليل...؟
الليله بيتني اعله عرفك
يانهر صدرك حبيبي طافح وفايض محنه
وجفي سباحه اعله جرفك
والله للعشرين اردن
بين ذرعاني امن الفك
بيش اطفيهه لهفتي
وانته يم اشفافي اشوفك
وهذا ليل...؟
وانته تغوي وتالي اخاف عليك احوفك
بس ابوسك
ايـــــــاد لصلــــــوص الاســــــــدي