وين حدكم للشاعر اياد

وكأني بالدنيا...محطات؟؟؟يطوف ازقة شوارعها !!قطار العمر
ويــــــن حدكــــــــم
جفونه ابليل...؟
لوگلبك يجيسه الشو گ...
رد بيهم ولك ياريل...؟
غدينة انذوب....
صفنات اعله بالي شموع
سالت لوندهه اغروب...؟
مابيـــــــــــاش...؟
زنجرت السجج بدموع...؟
رد لخاطر العشرة...؟
أشوفنهم جزوا لبعيد
وتناهم...وهم بالنوح..؟
اصيحن حيل ..رد الريل
رد الريــــــــــــــل...!!!
اغشم الروح اچذب العين
جفونه ابليل..؟
دندهني اعله بختك لا ينجم اسهيل
ولك ياريل...؟
المحطة التنده بنشغة بواچي
والطيور الرافگتكم..؟
اغتاضت اعليهه السواجي
الدروب المدت الحيرة بحضنهه
**رت گلوب الخواطر...؟
ياجفــــــــــــــاكم...!
نچلــــــــه بالعصفور خلة
وحرگت ادموعه البيادر..؟
السوالف خيم الليل بضواهه
وماتعبر اخيوط گمرتنه الگناطر
والنوا*** الحزينه
يبست اشفافهه ادموع الشواطي
بحرگة تنده....
ياشواطي...
ياشواطي...
ياشواطي....
اعلينه بس دمعج يلح
ياشواطي...
امضفر اعله سعود ثاير
طاح بيرغ من سمانه
ايعاتب زنود الفلح
جيه لجفون السنابل
طيف منجل ....
مايــــــــــــصح...
خل يمركم...
ليل مر بولاية عشگم
شايل من الغبشه علاگة
سوالف...؟
الشفه جوعانه هلاهل..
النجمة خمريه وتضوي
والگمر رايد ترافة
والشمس... الشمس..؟
شگد عفيفه
من تضلم ماتغيب
تلبس الليل بعباية
وغاد تنزل عدهه موعد ..
بالحبيب,....؟
مو قبل ماتكوي قمصان
الشواطي..؟
من تشرهه ابريش اجناح النوارس
تودي للديرة طوارش
ناگعه ابرحي الهواجس..؟
والعشگ مربيهه فطرة
ومن خذيتوا الروح
عدكم...؟
بينه ريل العمر فتر..؟
صحتوا نازل
هذه حدنه...
وين حدكم..؟


انتهت القصيدة
ايــاد لصــلوص الاســدي