قصيدة خاين

الى اعز صديق والذ عدو في نفس الوقت

صديچي بضيجي وازاني وزداي
سرد گلبي وجراحه ادة وزادة اي
نصيف بشربي ناصفته وزاداي
شبع من راح ماصخ گال الية
القصــــــــــيدة


خايــــــــن
ـــــــــــــــــــــــــ
انه احمد بيك ما احچي بگفاك

ونته خنجر بالگفه اجازيني

اشتريت اجنيك مابيع بغلاك

وبخسارة تبيع ماتشريني

أبريتي ناصفتك تعز علي هواك

وسمچه ألبط عالهوة تخليني

ضامي گتلك والبحر طافح وراك

أتغطني من اشرب تجي تنسيني

ابروحي خاويتك يخايب من صباك

ونته ذيب ابخوتي تخاويني

اعمة ونطيتك ادية وشبلاك

وأعله بيرك بيدك أتوديني

باليسر والعوز موش انه النساك

وعتنيت ابعوزي شو ناسيني

من يمراشتاك صايرلك غطاك

وبگيضي نار اهمومك اتغطيني

شلتك اعله متوني من دربك طواك

واعله جمرك گاصد اتمشيني

بختي مايل مال حظه من لگاك

اسمه عوجة ادروب الي يدليني

گلبي من حچي الدغش ياما نهاك

بعين وكحه وحاضنه اتلاگيني

گلبك اسود ادري شيطانك غواك

وچيف ابيض گلبي مايغويني

مزنه غبرة وماتفي حته بسماك

ونجوم ضهري بعيني امراويني

يالخفيف الريح هالبيدة خذاك

اچفيني شرك بعد لاتلفيني

خاين وبذات والخنجر دواك

يموج بحشاك واشافي سنيني

ايــادلصــلوص الاســـدي