قصيدة روجة هلال

روجة هلاهل
ـــــــ
رفت اجفوني مكَابر
ومن تجل اطيوفي
تجفل....
وداعت ادموعي التندي
دمعة...دمعة؟
لهفة تهمل...
مانسيتك اكَمع اسنيني اعله بختك
وانه حالف
بيه جوعة لمشتهاتك
والله تكَتل...
شايل اب***ي صواني
بيهه شوكَ الصفنة
تعذل...
والعصافير التندهك
تصيح لحضاني دخيلك
صبغة الشهكَات حنه
حته احني اجفوف جيتك
الوحيف ابسجة اليتناك
ينتل...
من تمرنة...؟
ايخضر الوهواس شاعر
ايسيل ثلثينة ترافه
ابكل *** فحطان
يشتل...
من تدكَ اباب صدري
بية احس روجت هلاهل
اتناغي غرنوكَ ابكَصبنه
تموع التين ابحلاته
من يمس شفت البلابل
لكنة البومة قبيحة
من تطب بستان تثبت
الكناري بصوته قراَن الطيور
ومن يرتل كلهه تسكت
تغيم الرغبة ترافه بهيل خادر
اتغركَ العين بضواهه
من تنث دمع الخواطر
من اهلنة...
كَلي يمته غبشه افزن
افرك اعيوني بحلمهن
تنكَع الضحكة ثواب
ايغمسه نورس
غابش الهورة بصبحنه
ايعزب اطيور التهاجر
يفرش البردي بسفرته
كَلي يمته...
يمته اشوف النسمة تلعب
وي وردنة؟
بواهس ازغير وتسودن
وي لعبته...
كَلي يمته...
روحي محتارة بعشكَهه
وخلكَي نسمة...
أجروحي صبخه..
وارسم اطيوفي كَناطر
وشتل من خدودي صوب اذنك تراجي
من يمر ماي من اديك
حته امد اجفوف طيفي
ابلهفه لشفاف السواجي
خل نغني...
السكته تخنكَ
انه عودي لشوكَخلكَك
من تجيسه ابرودة اشواكَك
يطــــــــــــــــــــــــــــــــــكَ
اياد لصلوص الاســـــــــــــدي