قصيدة ريل العشك

ريل العشگ

عطشان اجيتك عشگ
رويني من شفتك
وشفاك تگطرعسل؟
وشفافي شاطن الك
چن ام الك تنتظر..
حملت التسعه صبر
وتنسة ابوستك
شايل ترافة ورد...
ولمن عفت طينتك
ساه التراب وخدر
وتخردل ابمشيتك
وسكران حته الهوة
يتمرجح ابگذلتك
ماخذ طبع ياهوة
نسمة وكلامك همس
ثوبك اخيوط الگمر
ونجومه نمنم عرس
ومن شاف وجهك حلو
داخت عليك الشمس
موعجبه لنك حلو
والدنيه حجل بجدم
والرنة رنت فلس
رد بينه ريل العشگ
خلينه نرجع لمس
خلينه حضن بحضن
وديني اله بسجتك
عطشان اجيتك عشگ
رويني من شفتك
كاروك صدري الك
مديته دوشگ عشگ
وببتوته لوله الگلب
فزيت ما لك اثر
والروح بعدك صفت
بيه انه ديرة غرب
والنفس شال الهوة
وللريه لمن حدة
تيه عليهه الدرب
روح ونفس مايرد
لمن ترد علگرب
شم اگرب ابريتي
وستورح ابريتك
الروح شاطت كتر
والگلب شايط كتر
والعين شاطت كتر
كلمن مشاله بدرب
يتفكر الجيتك
وشافوك كلهم سوة
وتلاگو ابشبگتك
عطشان اجيتك عشگ
رويني من شفتك
وشفاك تگطر عسل

وشفافي شاطن الـــــــــــــــك

ايــــادلصـلوص الاسدي[center]

» قصيدة خلك حسيات
» قصيدة الفانوس
» قصيدة غزليه
» قصيدة خاين
» قصيدة روجة هلال