حال امراة..............

يحنيين يابوا سوالف دافيه
ونام كلنه بم**رك وكت الظهر وبفييك انته العافيه
ومن نشرب الجاي العصر بكلوب حلوه وصافيه
وجناح ظلك ستر حدره أظلن غافيه
ياثوب اليه أنته وستر ومشي عله شوكك حافيه
أدعيلك بوكت الفجر
محفوظ كون من القدر
يكفيك ربي اهل الغدر
وترد علينه بعافيه
وراضين بخبيزه وتمر والنعمه وايد وافيه
وماليه بالكال وكلت
ومن نفطهم ماردت
ولامره الهم هوست
ولاحراميه صرت
وفلوس عنهه أتنازلت
وقطعة أرض هم ماردت
يكفوني شرهم بس ردت
وطحينتي ابطنك عوافي وبيك ابدا ماعلت
وتشوفني غبشه أغبشت
بسلاح حرمه تسلحت
ياويلي ياشوكي صحت
شلون بيه لورحت
بوزار عربيه أركضت وتوزرت
بلكت أرده من الغدر
ولفي الخذوه وكت الفجر
بأسم الديانه والكفر
وردوني بجيله حقد
وجروني بنص العكد
وبدون كل شيمه وخجل
ثوبي صعد حد الزند
ياستر بيتي لنهدم
من كطعوا رجلي وصل
متأكده واحدهم نغل
ومن تفحصه بي عطل
الخير البيهم بغل
وعقولهم عقل الصخل
أولاد كرطه بلاخجل
وستره ينباع بعلج
بالنهضه وبراس البصل
لازم يرد ليه الوكت
وبسنوني أعلجنك علج
يالصرت عه الحرمه بطل

تسلم وصح الله
لسانك شكرا