ياضمير العالم

ياضمير العالم
اسمع
سكندر شسوه الكبير
بسده دجله نحافت
وشط العرب
وفرقه باسم الموت تذبح بالشعب
وشعبي فنان العرب
شعب سومر والفرات
مطرب وعنده أحله صوت صاحب الصوت العذب
وجيله يرمي أسكندر العنده ضمير
ولايفز ويشوف دمعات اليتامه الشعلت بكاعه جهنم وبكراسيهم س***
والأرامل نايمه بسد المزابل
متانيه فضالت وزير
وقوتنه بحلك السبع
ونفطاتنه بحلك الضبع
والكرامه بحلك حوت مبلوعه بلع
ودري بسكندر حقير
همك الدولار وسكت الصوت وفرضت نفسك أمير
ونته سجينة مجازر
تذبح بروح الفقير
وسهمه منك بيضه يوم الأنتخاب
وكل عتبنه عله الضمير
الماسمع صوت العراق
انته وينك ياضمير
وشرد أسولف للضمير
تسرح وتمرح ميامي
بكاع أور
وآشور هل عدهم أسير
وبابل الباكوهه سكته بلاتعب
وجوله ظلت بس صفير
ودري بسكندر حقير
راس حيه
وروح ثعلب ناب ذيب
والغدر عنده صحيب
لاتنام بسد شمالك ياأسكندر
هذي لعبت موت تفتر
ولازم يصحيك شرجينه وتطير
ودري بسكندر حقير
ياضمير العالم اسمع
اسكندر شسوه

الكبير

سلمت الانامل
كلمات راقية
راق لنا شكرا لك

» تنبيه الى مسلمي العالم