عايش لحد الان؟ حسام الصياح

سر خرسان حبك شلته بالروح
حدر عگدة لسنهم دام مدفون
وذچرك اربعين ودمعي زوار
ومن العين للخد ممشه يمشون
التشاهد مره وحده مسلم ايصير
حبيبك يمته اصيرن موگلت كون
حگ حبك بروحي اشمالهه الناس
گال اكثرهم الله الحگ يكرهون
امن اشوفك تحله كلهه بعيني دنياي
وتصير اسود ابفگدك كلهه فد لون
ومثل جمهور شاعر عندي شمات
صور حزنه يگلهم بس يصفگون
لقائي اويه الشماته الشافتك چان
صور رسمك ادور بين العيون
عله باب الله تغبش اهل الاشغال
وعله بابك اعيوني امخلي يلگون
الك هديت حسره ابمطرة اشتاي
ما مرك سموم ايموع الجفون؟؟
عتبة بابك ايحنوهه شمات
ولمناطر رجعتك بي يحنون
له لالا إبحلگ داخل عشرتي وياك
تمط بيه واگلك لجلك اتهون
امنادس يگضي ليلي ابين الجروح
جرح ينغز جرح كلهم يفزعون