لى جرفي لكيتك جسر مطروح

لى جرفي لكيتك جسر مطروح
على جرفي لكيتك جسر مطروح

تالف معدنك واعيوبك اهواي

بالقدره رفعتك ردت احييك
گمت تسوى لان خليتك وياي

واسمعك تهمس ابأذن اليعبرون
واتكلهم عليت وصار جواي!!!!

اصحى اني نهر!!! لو عفتك اتموت
ليغرك عليك الراح والجاي

ذوله أجدامهم سولفت وياك
بس اعيونهم سولتها طرواي

صدكني ابعلاتك ماالك زود
الناس اندلتك من زود مجراي

من انشف تضل محد يمر بيك
تصعد قيمتك من يصعد الماي

بيه اتريد تغدر ياترى اشلون
طب سابع ارض ماتلكى مكفاي

واذا جدم اليدوسك.... واكف اوياك !!!!!
شكول اني النوارس كلها وياي.


للشاعر
يحيى العلاق