نــص ليل ....نــص الليل اسمي

نــص ليل ....نــص الليل اسمي


كدرت الفرح للركبه صــــــــــــار اوياي
واردان الفــــــــــــــــــــــرح ماوصلن لزندي
وكدرت الحزن شفته اعله طولي يلوك
ومفصل عليه وصاير بكــــــــــــــــــــــــدي
ومن ظيم العلي ظليت ابيع همـــوم
واسعار الهموم امسجله بخـــــــــــــــــدي
الرايد حزن ياخـــــــــــــذ حزن بالدين
والرايد فـــــــــــــــــــــرح يعذرني ماعندي
اجي كتلي من اصيحن وينكته
صرت نكته بزمانـــــــي وينكته
ولك دمعي من اكتــــه وينكته
طريج من الدمع ماظـــــل اليه
وانه اويه الحزن عشرتنه خد وعين
انه الخد صرتله وهوه اخـــــــــــــــــذ عيني
ايبجيني اعله كيفه وشفته مامرتاح
كتله الخــــــــــــــــــــــد الك بس لاتبجيني
بجاني العمر كلـــــه ومشيت اوياه
ينساني اويرد ماكلـــــــــــــــــــــــه تانيني
اذكر بالحلم شفت الفـــــرح عالباب
حسبالي الحزن مـــــــــــن شفته ناسيني
مد ايده اعله خدي وكال تضحك ليش
كتله اضحك جذب واتشاقــــــــــــه تدريني
ترباة الحزن وانـــه اسمي نص الليل
يالطولك يتيـــــــــــــــــــم ولابس اسنيني
نص الليل اسمي وبس عليه يلوك
فدوه بغير اســـــــــــــــــم بس لاتسميني
سموني الصبح مره وكمت مرعوب
ماريـــــــــــــــــــــــد الصبح وبليلي خليني
العمر كله كظيته منعــــــــاني
طحت محد لفاني منعــــــاني
بنعش مطروح ليلي منعــاني
استحيت وصبحت جناز بيــــه

الشاعر
سعود الخفاجي