ومضات عباس المياحي

ومضات.....تجميع عباس المياحي
صوتك بيه روح اتصور الحال
ترد الروح لو صوتك سمعته
انه اشبيك اشلون ازعل عليك
الزعل يضحك عليه اشما زعلته

,,,,,,,,,,,,,,


ايساعدة اللة الكابلك طول النهار
واني بس نظرات احس ذايب متت
انت اذا مريت يم اعمه بطريق
جان صاح بصوت ابشركم شفت

,,,,,,,,,,,,,,,


كتلني كاس هجرك لا تلح بيه
اشربني أعله كيفك جرعه جرعه
أنا بلا روح بس الجسم ضليت
نص ميت ونص باجر أشيعه !!


,,,,,,,,,,,,,,


مو كلمن ضحك تحكم عليه مرتاح
نوبات البشر يضحك غصب عنه
تعال ادخل اب***ي شوف بي شصار
مثل يوم القيامه بلايه جنه


,,,,,,,,,





كمت اطيحن لو عليه اسمك يفوت
واني ليهسه لمجيئك ارتجي
كالو انته تكول اجيله من يموت ؟؟؟
رااااااااااااح اموت لخاطرك مو ماتجي


..........


انه وني عليج يفزز الميتين
بسابع صوب الاطرش يسمع ونيني
كبل دكات ***ي اتكعدج من النوم
هسه شكد اصيح ما اتسمعيني

...........


ترة ابداع القصيدة يريد كومة جروح
وموش جروح هينة جروح ممتازة
بحيث المطلع ترسمة بجرح مهضوم
واول كلمة بي تتوظف جنازة


...........


هيَّ وجهة نظر..مو قصدي عتاب
أحسن إلنه هواي ننسه ونفترگ
كلمن يسد باب شوگه ويستريح
لا أدگ بابك..ولا بابي تدگ
كافي موكل يوم تجرحني وتروح
... هاي ماطلعت محبة ولاعشگ
... أضحك بوجهك چذب وبگلبي نار
واكتم انفاسي بمرار وأختنگ
هواي جاملتك ترى ومنطيك عين
وبعد ماظل صبر عندي ولا خلگ
وآني يبن الناس ماضمها عليك
تزعل انت هواي من حچي الصدگ
انت شمعة وآني صاير بيك خيط
وانت صح تموع .. بس آنه احترگ؟؟
.........
خليني اعله بالك مثل ملك الموت
كل لحظه التمرك راجع اذنــــــــوبك
مالك كل شفاعه ولا عذر مقبــــول
مايحتاج تنكر واضحه عيـــــــــــوبك
داريتك عمر حسبالي ينفع بــــيك
... مثلت البراءه ونلت مطلوبك
الوفه عندك خيانه والغدر مشروع
ونكران الجميل اسلاحك وثوبـــــك.

.........



بعد ما عندي واهس اسمع اشعاار؟؟


امس فاكد عبد واليوم كاطع......!


تحياتي للجميع اخوكم عباس المياحي