بمحبتك مو صرت ارقى المجانين

بمحبتك مو صرت ارقى المجانين
براكيين البــعد ثارت تره اعليك
دمــوع ونار منك هملت العين

ومصايف ثلج صدرك ثلجت الحال
حضنتك وانطــفت كل البراكين

وعصافير الفرح غنت بالالحــان
وبعطر الهيل فــاح من الدواوين

وفراشات العشك مخـتلفه الالوان
تذري اعطور من ورد البساتـين

وعناوينك غرام بكتب الاشواك
دراسه اتريد مختــلفه العناوين

نهر شفتك عسل من دجلة الخير
واكض الوان وارسم عالحياطين

واركز عالوجه سبــحانك الله
واحير شلون ارسم شــفه لوعين

جنائن ورد بابل عــطرك الفاح

وقوانين المسله احــله القوانـين

واشوف شلون خدك طعمه بالضوك
اظن تفاح..لامشـمش..اظن تين

واخافن امشــي صدّك انه وياك
وتصد بعينك اعيـــون الملايين

والبسك خضرمه بس عن العيون
واحوطك بالحمد وافقهلك الدين

ولان حبك فرض افرض علي حيل
وتريد بكل وكت تكتلني هم زين

اذا مجنون ليـــلى اتجوه بالنار
بمحبتك موصرت ارقى المجانـين
بمحبتك مو صرت ارقى المجانين

» عشق المجانين