سلطان العراق المدير
الجنس : الابراج : عدد المساهمات : 318 نقاط : 900 السٌّمعَة : 10 تاريخ الميلاد : 01/07/1980 تاريخ التسجيل : 16/07/2012 العمر : 44 الموقع : في مدينة الرحمة العمل/الترفيه : عامل بسيط المزاج : رايق جدا جدا
| موضوع: فضيه الحمامه ام سود العيون الثلاثاء يوليو 17, 2012 8:09 pm | |
| فضيه الحمامه ام سود العيون حلو ابيض حبيبي موشح بلون تحسده اعليه كل اشكال الالوان
فضيه الحمامه أم سود العيون لبست ثوب وردي وعزفت الحان
ويجمار الحلك والشفه معجون لو حرك رموشه رموش نعسان
ليـلو لو ضحك وتهل الأسنون يبو لغط الذهب ماشابهه انسان
حواجب سيف سلهه وانه مفتون قلم شيفر خشمهه وصرت حيران
يم طول الحلو ويم شعر مجنون خل ارشف عقيقك واظل سكران
لوشافج بشر تاخذني الأظــنون ارجف وانتحب ويركبني شيطان
واذا انت بشر أوصللك شلون؟ واظن معذور لو تطلع من الجان
ماوصفك عدل أوصافي تخون وانت للحسن صدكني عنوان
اظل اصفك بديه شلون مالون وتشب نيران بيه وانه نيران
يقداح العطر والجيد مزيون أو ماظنه ورد يمكنه ريحان
كافي من الوصف لو بعد تردون صف ويه الكمر شوطلع خسران
اظل انطر واكلك سالفه تهون ولايــاس اليكضني ابد يفلان
اظل للشيب ناطر وابد ماخون ولاغيرك بعد اشتاك لأنســـان | |
|