قصيدة خلك حسيات

خلگ حسبــــات

ابحر ياحزن بالليل...؟

جرفة شما يطول اعتاب..؟

غرگة اهموم....؟

خلگ حسبات...

اترسنه بدمع ؟؟

لو...فاض..؟

اضل مغتاض؟؟؟

انهم للفرح وبلايه روس

اركاظ...؟

تشظه ولانحس والحسبه

تاهت وين..؟

درب مسدود...؟

وبجفني انبنت حيطان

وهواي التمر عالبال

طيف اثلم اعله الباب

وضنوني التمر اسراب

دنيه ابلانداوة تعصبت

بالگيض

مثل سكتت كنيسه امعشعشة بغربان

حناجر دوية تنغگ واللحن مذموم

ونواقيس اعله رنة كل

عمرهة اجور...

تشيل اذنوب شجرة الماتشيل

اطيور...؟

وذا يابس طبع

ولو جنت قداح...؟

مايقبل عذر من يلهب

التنور....؟

وعليش اصيح....؟

لا لصيح...

مامرك هوة ازنودة تعبانات

بشبج مخنوگ ظل

امچلب الريح...

عله ديرة هلي صم چفه عزرايين

والگضة عمرهه اوگوف

شوغنت تريد اطيح...

ليش اصيح...

طش بيدر ضحكتي البيهه الم

للعيد...

فقير شما اطر

درب المراجيح...

وصوت...بصوت..؟

مر شوگي امن امس

ضموه...

ومن مرهم حزن

بسكوت...

گادولي الحزن

وعلية بس دلوه..!

گالو لاتمردرب الفرح

بفلوس...؟

ناخذ ديه راسك من تريد

اتفوت...

بسواد أگلوب....؟

باگو عمري ضويات

ومن گلب الگمرگصو تراه

ابتوت...؟

يونس عالارض وشجابة صوب الماي

عاف الدنيه كلهه اتلاشه ويه

الحوت...؟

ندعي وبس فقر

چابينه ربي الصوچ

وحرامية الضهر تنخة بصلاة الليل

تدعي اعله الشمس بلكي اعله

ساعه تموت...؟

ناس اتوهدنت باللون

رگضت للجمر وحسبت بي

توت...

ناس...وناس...؟

خافت ناس...

تچفل من يمر وهواس

خاطر لايمرهه النوم

شلتهه الجفون بخيط

من انعاس...؟

لولة للكحل ضنت اجاهه الليل

واول ماغفت طاح امن اديهه

الكاس...؟

ناس ...وناس...؟

عاگول ويمرچن بيهه

منجل غيض

لو وكت السوالف جابو اسم

الياس...؟

ايـــــادلصلوص الاســـــدي

» قصيدة الفانوس
» قصيدة غزليه
» قصيدة خاين
» قصيدة ريل العشك
» قصيدة روجة هلال