كبل نزلتـــ ادموعيـ وهسه ما ادمع

كبل نزلتـــ ادموعيـ وهسه ما ادمع
كبل نزلت ادموعي
عماد الاسدي
لساني الما طراك بشين رغم الصار
بوجه السيف ليش لسانك مشّرع

ولاجلمه التهمني القال..والما قال
وعفت كل الكلام وما ردت اسمع

وتحملت الالم والاه ثم النـــار
وجمره من اليحبك كتلي ما اجرع

تحديت الشعر ..كلمن كتب اشعار
واشهد بالقوافي وشاهدي المطّلع

اجرّع بالصبر يوميه واجرع بيه
صرت مربلهاتك ضوكه ما تجرع

انه شجره وفياي بسدي جنت تنام
تحط فاسك بظهري ولجلك اتفرع

صفر كلك صفر واحتار اجمعك بيش
اجمعك بيه تطرح وانا جاي اجمع

درسيني اعله برّك ذله لا ماريد
نعم محني الظهر للباري انه اركع

جنت دمعة ندم تنهال تطفه العين
كبل نزلت ادموعي وهسه ما ادمع

شلت عرش الكلوب وهل شمرته هناك
دكلي بيا عرش راح انته تتربع

يا حربه ونبتي ب***ي صار اسنين
وياحربة طبع تتغير اشمسرع

لتغرك الوانك لو زهتـــــــلك يوم
سطع نور الشمس خل صورتك تسطع

وهم كلك وهم وانطيني فد برهان
انكشف وجه الحقيقه ووجهك مبركع

اذا كلت الهجر لا.. جدمي ماشي بعيد
كطنه انته اشلعتهه ولاتظن ارجع

*** الينكــسر ياجبر ينفع بيه
واذا ينفع جبر بكليبي ما ينفع
واذا ينفع جبر بكليبي ما ينفع
تحياتي

» ماكو وفى ماكو خوه ...جانو ربعي يمي وهسه راحو ...هيه گوه ماكو خوه